[港超] 中佬口水多過浪之 菁英杯雙「綠」大戰

十二月田猛臣8

20221002_219b3f13beb7a9ed7ab15wprikhdFL5O.jpg

20221002_b79a2e250ebc4d42fe9cYKLYvHj53LgV.jpg

                               
登錄/註冊後可看大圖

                               
登錄/註冊後可看大圖

前言/廢話︰
兩星期前的一場10粒大屠殺，開始有球迷質疑究竟深水埗呢一隊波是否夠條件上港超？不過既然已經上咗嚟，唯有頂硬上。休息一星期之後，今個星期雖然無聯賽，但有菁英杯，不過中佬買嘅季票本身係唔包主場聯賽以外的比賽，不過......
門票︰
正價是80蚊，本來呢一場波並不包括入今屆深水埗的主場比賽，不過唔知係咪上一場輸10蛋，管理層都自覺有啲唔好意思，希望唔好令球隊的支持者太失望，於是在Facebook公佈有興趣的季票會員可以填電子表格攞呢一場波的門票！
至於中佬，有免費飛入場睇波，從來都唔會拒絕，不過今次就遠啲，要去到大埔！
比賽過程︰
上半場︰由於係主場關係，大埔一開波就唔客戶，主導進攻，而深水埗呢一場似乎都汲取上一次慘敗的經驗，開波之時排出五個後衛，只不過後防弱，排多兩個人都未必有用，果然在7分鐘之時，大埔射門深水埗未能解圍，結果被大埔7號射入。咁快又輸一粒，其實係直接反映身體對抗性唔夠，在禁區內往往慢人一步，解圍拖泥帶水！
落後之下深水埗都有嘗試去攻，而且畢竟大埔未去到傑志的級數，所以深水埗都夠膽攻上去，落後一球之下都可以攻到去大埔門前，仲略門而過！不過之後的進程就有一啲膠著，大埔領先一球先唔太急，同時間亦有落雨，喺濕滑嘅場地之下對雙方進攻都不利。
而且在落雨之下對深水埗嘅進攻更加不利，場地濕滑好難用地波推進，但用高波的話，大埔後防又有一個33號高大中堅，即使深水埗搏到死球，斬埋去都係無運行......
上半場最後十幾分鐘場上的形勢就有大埔主導，已經有多次有威脅嘅攻門，最後在完上半場前由17禁區頂遠射破網，領先兩粒完半場！
下半場︰一開波深水埗就換了兩個人，其中包括上一場的最佳球員陳灝。可能大埔因為已經有兩球在手，所以你急我唔急之下，深水埗開始主攻，之後再換入埋一個之前在聯賽無上過場的14號前鋒。呢位14號烏哲里係深水場少有的高大球員，放咗落場之後有唔錯效果，因為以深水埗的能力，有個高中鋒在前面作為目標的確係易攪好多。之後深水埗都喺大埔後防製造出機會，果然去到66分鐘，在門前一輛攻勢之後，由在尾柱的陳灝頂入追成2:1。
當時看台上都有唔少深水埗球迷，大家都表現興奮，雖然是菁英杯，但始終都係深水埗今屆第一球！正當中佬諗緊，今場會唔會有機會追和呢？說時遲那時快，一分鐘之後大埔就由下半場上陣的保連奴射入成3:1。
年輕球隊最怕就係呢頭追近，轉頭又被拉返開！之後深水埗雖然仍然有搶攻，但始終無法追近，而大埔就靠穩守反擊，在深水埗球員體力下降後，83分鐘再由保連奴射入4:1，基本上已經玩完！至於之後再輸多一球十二碼，對成場波的結果影響不大！
入場人數：下半場公佈有674人
總結：雖然今日可以講又係大敗，不過其實比分並無完全反影成場波的過程！其實下半場初段，深水埗都壓住大埔，當入返2:1之時，中佬眞係覺得有機會追和，只可惜一分鐘後大埔又拉返開比數！之後大埔就靠保連奴的把握力再入兩球。
賽後潘文迪教練亦宣佈辭職，當然球迷都好清楚，如果以依家的人腳，換教練團可以產生的作用不大！
下一場主場比賽，10月16日15:00，對手又係和富大埔，當然會睇睇到時新教練團會有咩板斧......
3/10 つづく......

zakufai8

樓主真係好難得, 睇完波還可以寫球評, 而且寫得好好.
教練轉了郭生, 希望有生氣啦

十二月田猛臣8

多謝捧場！寫得好就唔敢請，我的中文水平只有中五
轉了郭嘉諾為主帥，我個人覺得增兵比較實際，但第一位增的兵居然係守門，真係估佢唔到！