我曾經擁有住一切，轉眼卻飄散如煙。

HongMaxwin8

本人今年25歲，兩日前我揸住靠賭贏返黎嘅42萬，但在當晚凌晨全部朱晒。返上房時我好嫐自己，點解唔知足，點解唔走，我係咪注定冇呢啲偏財命？我從23年開始接觸賭博，個陣時都係買吓馬會玩下波仔咁就算數，馬仔也唔識賭，初初都係100 200蚊一場，當然係贏多過輸，抱住娛樂嘅心態去玩就當睇場波唔買睇黎都冇癮啦，試過買100蚊下隊進球高水方中，100買落後球隊反cup又中，越贏越多。後期就開始買大佢。試過500一場，1000一場，但一買大注就輸，小注也唔多贏了，仲記得有一場好印象深刻試過買10000蚊曼城低水獨贏諗住贏緊架啦攢返一兩千都好有賠冇殺，但去到最後70幾分鐘都未能領先就跳左車，輸返7000幾俾佢，個晚我係床度喊左出黎，因為已經接近我一個月人工了，輸到自己都唔夠洗費，發誓以後唔會再賭馬會，唔買波仔。儲返幾個月錢之後，突然間接觸到賭網呢樣野，第一個網係叫做快x帝國，我註冊完戶口之後入左500蚊去玩冇幾耐可能10幾分鐘就贏左3k返黎，仲記得係買骰寶即係買大細因為其他百家樂或者21點我都早期未識玩，個時真係好興奮心諗早知玩賭網啦咁易贏錢，即刻提款3k走人，但冇幾日之後又入返錢去戶口繼續玩，第二次就輸晒果3k，覺得反正都咁易贏錢啦就繼續入1k落戶口玩，中間又係浮浮沉沉咁最後輸返俾佢，慢慢咁輸吓輸吓就開始有度癮喺度，因為賭網唔同馬會，佢上落太快了，一場波已經夠你玩完賭網百家樂幾靴牌，到後期開始玩百家樂 21點（莊家兩隻牌果d）輸輸贏贏，贏吓又輸，買老虎機又中過jackpot，買21點嘅side bet又中過同花順或者同花3條，百家樂就真係好少贏到大錢，最後total輸左20幾萬喺賭網度，前後都玩左成1年半咁，聽人地成日都話賭網係一定千9你的，就開始冇玩賭網了。到我第一次入澳門賭場係上年嘅10月頭我老豆帶我去嘅，我嘅第一站，海立方。我老豆淨係賭番攤，其他都唔會賭的，佢贏左錢就俾300蚊籌碼我去玩，跟住我就走去300枱跟人買百家樂，第一鋪贏左攞返600，第二鋪再買輸300，第三鋪都輸埋，我就走返去番攤枱搵我老豆，佢見我行埋黎就問我得唔得呀，我話輸晒啦本身贏到600，佢又俾300蚊我叫我去玩啦精神d，咁我又走去跟人買百家樂，玩玩吓贏左1800返黎，9am到海立方，都玩左成3個幾鐘，到12點幾我老豆又有贏就去左葡京個邊中國銀行隔壁條街飲茶，飲完就去左行大三巴行完跟住搭船返香港。因為我老豆本身都唔知我鍾意賭的，所以之後我都自己單拖過澳門賭錢。

阿祖安仔仔8

打去搵戒賭中心戒賭，可以幫到你

大路拼圖8

你老豆咁勁跟佢搵食就得啦

無奈輕快的蝴蝶8

唔好意思，您賭齡太淺，我寫包單，一定仲有好多次血淋淋教訓😄

HongMaxwin8

第二次我就去左威人，因為一出氹仔碼頭去搭發財巴就見到威人架車之後上左，帶左5k本，當時我唔識分大場細場嘅概念，我淨係帶左5k本去，見到21點min bet已經係1000，咁冇計啦唯有坐落枱玩，玩左兩口已經贏左2k，第二口我孖9對莊9個荷問我分唔分牌我話唔分佢竟然好愕然咁望住我，跟住佢拉左隻8仔出黎莊17，我就走去玩百家樂，最後輸晒。第三次去左上葡京，本15k去到玩21點贏5k走。第四次去上葡輸晒20k。之後就隔左幾個月冇去了。時間返到今年嘅11月尾，帶左30k本去左永皇，用左一個鐘時間百家樂贏左18k，真係好旺買莊中莊買閒中閒，有個啊叔都跟住我搵食，我買乜佢就跟乜，玩到咁上下已經3pm就走去紅8食左個炒飯之後走去美獅玩，48k本，美獅嘅1000百家樂枱仲多過永皇，見到個靚女荷就坐低玩啦，唱碼時就有個靚女叫我開卡，本身我都係拒絕嘅，但最後都係開左卡。跟住玩玩吓最低位16k，之後反cup到61k就閃返香港。8/12又去美獅，61k本，一進場個心就拉住我走去21點枱玩，牌路好順，我坐頭門開兩門打，好多時都揸20點或者blackjack，咁就贏到11萬8。14/12繼續美獅，已經有個公關跟我加左wechat，就問佢攞左一晚房，但我係完全冇上過去訓，去到繼續21點枱，贏5萬，手風順已經打到5k一口，之後就係中場睇吓搵唔搵得返個靚女荷官打百家樂，俾我搵到喺2000枱就一路吹水一路打，我feel到佢好旺我，就打完成靴牌，已經贏到25萬了，佢就叫我抖吓啦，陣間再玩，咁我就我上返房都已經天光了，11點就要check out，咁不如唔好訓，繼續落去玩吓21點，21點1000一口玩左15分鐘先執2000唔係好順贏吓輸吓咁就又走去玩百家樂，出奇得旺，有幾鋪牌都係公9或者A7 A8一槍過，玩完數吓碼已經贏到34萬就走人啦去check out，App度換左外港船飛搭的士返返我嘅第一站海立方見仲有一個鐘時間就玩幾鋪，搵左張1000枱隔離就係扶手電梯上二樓諗住贏輸時間一到就走，又贏24k，36萬4袋返香港。終於黎到18/12 大黑日 美獅 36萬本1930船 9pm到 本身問公關攞左18 19兩晚房，喺我check in 完 4個鐘之後急速清袋 到步先去21點贏10k 再去百家樂贏50k 幾鋪都係一槍過後面有個香港人睇住見我起身就話夠數啦我話係啊走去玩第二樣囉 跟住cashout一萬去左皇室金堡玩劇本殺 玩完返黎就開始瀨嘢 21點係咁殺 莊永遠公仔麵 已經打到max bet 10k一口 輸10萬 走去打百家樂想追返買乜又係殺乜 最大打左10萬一口 仲要即殺 博都冇得博 心態已經亂晒 亂咁落注 輸返到15萬 唔識走 繼續想追返 一萬一口 過關又試過 平注又唔得 點都殺 得返最後5k籌碼 戰鬥到凌晨6點死死地氣返上房拎袋check out走人 換左0730船飛返香港 上的士同司機講去海立方 又係海立方 又返返海立方 唉 5k都換埋黎玩 輸埋佢算了 點知俾我上返3萬 開始黎料 好似覺得有希望 俾我打返上10萬我都好我即刻走 夠鐘船我都唔撚搭了 繼續玩 最後到9am清袋換埋1030船飛 返到屋企又攞左萬5想去追返3萬 1530船去外港 到步海立方一個鐘後清袋完好嫐自己 抵俾人屌 我唔會戒賭 因為我贏過所謂嘅大錢 可能喺你地眼中好濕碎 但係我好嫐自己 贏左唔識走 輸就輸突返俾佢轉頭

HongMaxwin8

多謝 我唔會戒賭

HongMaxwin8

佢唔知我賭開 佢唔係成日過大海

HongMaxwin8

好多次教訓 我好嫐自己不會吸取教訓 淨係識得訓教

大聚焦8

尼度嘅人後生過曾經好多人也分享過主要在自己能力范疇內假如簽卡都唔好嗯嘅下塲

HongMaxwin8

明白 多謝你