cctvb338
新手上路
UID 1953
精華 0
積分 8
帖子 3
閱讀權限 10
註冊 2025-12-4
|
區塊鏈所有衍生產品，除咗主流嗰幾隻幣，其他你睇到新聞跟住買已經遲左，走慢d食正尾水仲會輸甩褲。
我從上次2017年底礦潮開始挖礦到依家，自己有幾個大陸和海外挖礦群組，熟悉金融/電腦網絡軟硬件玩到識飛嘅人都有，集眾人之力去收風有時有旬嘢我哋上車都會慢左亦會蝕錢，但挖礦嘅大部份都賺錢，上年中入場都一開一，就算係噉，我哋圍來關係好嗰班大部份都喺2月前已經出曬手上嘅幣，顯卡亦差唔多甩曬手，雖然係以太坊接近4000美元才出貨唔係4800最高位，但冇可能賺到盡，因為嚟緊6月以太坊難度炸彈加ETH 2.0睇唔透，可能連以太坊委員會班人自己都估唔到未來走勢，班顯卡大戶3月會開始散卡，而家雖未到6月但先開始走貨就遲，越遲走越接近6月二手收卡價越低，問下自己我以上所講嘅，你如果全部都聽得明，你先好投資區塊鏈嘅有關項目，稍為有啲聽唔明嘅你就掂都唔好掂，因為你資訊同技術雙缺乏。
你搜下周杰倫嗰個NFT項目當初咁熱，但最後都係食左蕉，所以NFT爭櫈仔遊戲唔熟唔好掂，除非做開壇嗰個，但亦要清楚稍為有點電腦知識好多人都做到創立一個NFT項目甚至乎自己搞一隻新幣出嚟, 技術唔難, 最困難嘅係點樣推廣搵傻仔落搭。
最近市場上叫做穩健成熟D嘅NFT項目, 係某間公司同NBA官方合作嗰個。
有閒錢嘅，研究下以太坊或者比特幣實貨即日鮮仲有可能賺到零用錢，但千祈唔好掂槓杆好易家破人亡，NFT亦唔好掂喇，杜文澤條仆街，你睇佢學人搞NFT就知佢人品差死pk先想食正條水昆街外錢，想cap水先會搞呢啲NFT項目，特別係佢呢種本身冇電腦底嘅人，杜狗個項目只有香港最多加埋臺灣人聽過下佢個人同佢啲產品，加密貨幣洐生產品或NFT項目最講求認受性，只有少部分地區如只有香港台灣認知，已能肯定項目死咗九成，傻仔先會買，你睇佢成交紀錄都係左手交右手，又話限制每人最多買十件但睇下個成交大把人超額認購，傻嘅都知佢自己買自己做假成交，扮項目交投暢旺？氹人落搭就真，正十級賤人，佢就係心術不正食軟飯嘅命。
[ 本帖最後由 西部肉肉鞋抽 於 2022-2-25 02:38 PM 編輯 ]
|
|
