leew038
新手上路
UID 2436
精華 0
積分 33
帖子 13
閱讀權限 10
註冊 2025-12-4
|
有監管並不代表會保護到小投資者. 港股咁多老千股, 大股東年年都用財技去割小投資者. 例如配股, 供股, 合股等等. 目的就係吸血. 如果有監管就代表將小投資者風險轉嫁比大股東係錯錯錯. 應該話上市接受規管就等於比大股東權利去割小投資者. 首先, 大股東有權發放任何利好利淡消息去影響股價. 亦有權好似小米咁, 明明公司賺1０0億, 佢就發行價值99億新股比大股東, 您小投資者係冇得反對, 應該話反對都冇用因為人地已經夠票. 公司亦有權隨時低價配股比其他人, 例如碧桂園. 咁樣做只會質低股價, 損害小投資者利益. 大股東吾會有事, 因為佢隨時又可以加自己人工, 發花紅比自己等等. 大股東又可以高價將私人資產高價賣比公司,或將公司資產低價賣比大股東. 監管吾會阻止呢D野發生, 而係需要公開, 即係透明化. 當然, 所謂公開透明, 只係表面. 業績有幾多真幾多假, 債務係咪100%公開?大家都知遊戲規則. 如果監管係有效, 就吾會出現好似恆大呢類公司係香港上市厄錢啦. 我就當您監管機構吾知佢D表外債等等問題, 但大陸政府都一早已查到公司有問題時, 係咪應該馬上停牌, 或者除牌先呢? 點解仲比時間比大戶沽貨, 仲比機會D散戶接刀? 最好笑係接到7788時, 先停牌. 您一係就永遠吾停, 等D小投資者可以走貨, 一係就一早停, 吾比小投資者接刀,保護佢地. 明顯就係將風險轉比小投資者啦.
其實有正常邏輯思維都知道上市就係割韮菜, 有冇監管都一樣可以割. 如果公司年年賺大錢, 點解要賣股同您分身家?自己賺晒吾好? 香港IPO有絕大部分公司上市時盤數非常靚仔, 但上完後第一次財報時, 就非常差甚至虧損. 代表咩? 代表上市目的就係將原本值1蚊既野吹到100蚊來賣, 然後賣完就現真身. 股市就係咁, 全世界都一樣, 吾係只得港股係咁. 美股估值仲可以吹得更大因為美股每日成交量超大.
您可以吾信我但您可以睇返過往歷史. 8號仔有邊個吾識? 我相信每一個家庭都至少有一人買過. 當年泡沫爆破時, 好多人買左8號仔輸到跳樓, 即使揸到宜家都輸左吾少, 當時既大股東係邊個?佢有冇事?點解個個扑晒街佢都冇事? 監管有冇用? 保護到小投資者? 自己用腦唸下就明.
如果話有監管, 信得過,所以就買股票吾買加密貨幣, 我覺得好有問題. 首先, 買股票就等於將您財產命運交左比大股東因為佢先可以令間公司生或死. 而大股東可以隨時用財技將您D錢厄晒. 您要信大股東先得, 監管機構幫吾到您. 買加密貨幣例如比特幣, 係完全去中心化, 即係話您買左1%就永遠1%, 不會好似股票咁隨時因為配股等等財技而令到您原本1%變做0.1%. 呢樣野吾需要監管機構存在都做到, 因為所有加密貨幣係用SMART CONTRACT, 佢D CODE一上鏈就冇得改, 任何人都改吾到. 加密貨幣最大問題係有好多騙子發行一D SCAM COIN去行騙, 同埋交易平台D財產管理有問題, 有機會好似FTX咁被大股東虧空公款. 其實呢D都有解決方法, 就係將幣存入COLD WALLET收藏 而只買一D例如比特幣呢類去中心化代幣就吾會有問題. 如果相關知識水平高果D人, 可以自行研究個別PROJECT, 認為有前景就買一D收藏. 我相信第日只要有監管機構肯嚴控交易平台公司財務資產的話, 就一定會有好多人投資加密領域.
|
|
