sib8
高級會員
UID 1256
精華 0
積分 656
帖子 324
閱讀權限 50
註冊 2025-12-4
|
今次幣市爆升並不是因為停止加息，如果係的話，股市亦應該火箭但事實並非如此。正如我之前講過，今次升係因為信心危機，越來越多人意識到銀行係scam,而fed亦可以隨時印銀紙。要對沖風險，最好就係買幣，由其是比特幣，因為係去中心化，只要收在自己cold wallet入面，冇人可以scam到您。對一啲機構泥講，要搵一間銀行存取大量現金根本風險不受控，因為您吾知聽日邊一間銀行會出事，而且宜家涉及信心危機，並吾係一時三刻可以恢復到信心。正如FTX事件一樣，都要起碼幾個月先叫做穩定返個市場。先前silver gate，SVB, signature bank出事， 今晚又傳FRC, PACW出事，一間又一間擠提。啲機構提款都要搵地方放。我相信起碼短期內幣市會被看高一線因為資金流入已經係必然的問題只係金額有幾大。如果繼續有銀行出事，將會更加有利幣市。事實上，今日從所有板塊可以睇到，資金係流入金市同幣市，股市明顯轉弱勢。
股市資金流出係正常的。因為呢次亂局明顯就係不利科技公司同埋金融公司，日後科技公司要借錢開展業務會比以前難因為銀行批出貸款會越來越慬慎，銀行就更加難做生意，因為政府監管會越來越嚴，存款準備金率一定會大幅提高，銀行為左要吸存款應付監管門檻，會被迫拉高定存息率，而拉高息率就會大大減低銀行盈利能力。所以結果只有一個，就係銀行估值要重估，股價需要大跌。以上分析仲未計及信心危機問題，信心越低，銀行就需要拉高息率幅度就要更大。
|
|
