尋日寫左段關於港隊嘅分析，請大家睇睇尋日寫左段關於港隊嘅分析，請大家睇睇

09876548

                               
登錄/註冊後可看大圖

我睇完對伊朗場波想講講港隊表現（對阿聯酋我冇睇），雖然好多人讚港隊踢得好，但我有唔同意見，我覺得港隊只輸一粒好大程度係伊朗佢哋把握得唔算好加上有少少運，伊朗亦可能只想三分落袋就夠避免受傷之下先少勝一粒。
港隊踢法上同以往係咪差好多呢？我諗最大差異係條防線唔會縮得太後，亦令自己後防唔會不斷受壓，呢點係有改進嘅，球員拼勁同體力似乎都係幾好，但除此之外，係由守轉攻果處卻未有太大改變 。
睇開香港隊嘅都知香港球員一直都係鍾意踢大腳波（某程度可能自知技術唔夠）後防解圍就好正常，起碼穩陣啲，但中場附近攞到波都一如以往咁唔敢用地波自己友搓多幾腳攞返個控球權再慢慢組織上去進攻，變成中場一有波就大腳向前踢博扶碌（當然我明白佢哋係驚中場踢地波被對手截到會對後防造成危險），但咁樣解圍式去進攻好難對對方後防造成威脅，所以港隊入球能力偏低某程度都係咁嘅原因，如果只計控球率或者喺地面踢波時間，球員之間互相傳球次數，24隊當中相信港隊肯定排最低，踢嘅波老實講可觀性甚低。
球員方面只有艾華頓同安永佳有能力同信心自己控定個波去組織而唔會亂咁大腳向前踢。
所以對巴勒斯坦老實講都係下風波，如果港隊表現特別進攻方面維持呢場波嘅水準真係好難有波入，叻極都係0：0，攞三分真係只能望有奇蹟出現。
[ 本帖最後由 0987654 於 2024-1-24 01:40 編輯 ]

5052493418

其實大部份國家隊都係咁踢，反而好似港隊咁一搶到波唔理自己咩位置都大腳鳩斬上去？仲要係幾乎九成時間都係咁踢喎，今次亞洲盃有邊隊係咁樣踢？我真係冇見過，越南仔泰仔馬拉仔印尼仔都唔係咁踢啦～踢空中足球咩。

5052493418

盲愛🇭🇰隊
其實是一隊業餘⚽
跟🇨🇳隊一樣
輸不足惜
所謂支持
睇吓本地球場開波幾多人買飛捧場丫
山長水遠去捧一隊咁既嘢
真係好撚愛香港隊
不過只要你說：睇到咁既場面，好感動，喊咗出嚟✌️
咁就贏晒🥂
其實跟幾年前說：經過連儂牆，啲細路行出嚟，好生性好感動，喊咗出嚟🙏
同一個套路，呢啲路有伏。小心為上🥰

09876548

香港隊係業餘波?
乜原來踢港超既球無人工收?
上去內地打中超中甲既球員係義工?🤣

5052493418

收職業⚽人工
交業餘⚽水準
盲既都睇到
分分鐘呢隊波落深水埗同啲阿叔踢都輸幾粒🥰

uturn28

當地聯賽水平唔夠,強度不足,結果就永遠唔會有進步....
國內如是,香港亦如是...
所以香港球員多外流係好事,那怕去踢中甲中超,最少...依家香港隊水平可以拍住國足....

巴巴先生8

清醒既真正球迷有幾多個？

uturn28

根本香港對呢啲足球運動興趣不大
又可能球員，球會的表現。投放資源不足。
以前多人睇，多人講。
令人回味的球賽，球員亦不少。
等到大球場的旁邊廣告牌電子化，就可能有些轉機。
大球場一年打幾次香港球賽丫
重建大球場時還帶有一絲希望
但又俾啲環保撚，鳩議員話嘈喎。
演唱會都唔俾開。
一個球場運作錢從何來
開吓演唱會補貼吓啲足球運動都好丫
香港要有足球
但止於康樂，不是運動
更不會有大機構去養一隊足球隊
以前消防，警察都打聯賽
球員轉行啦
或者星期六，日教吓啲細路踢吓⚽收番啲學費好過
我宜家都見到好多小朋友上課踢⚽
當康樂冇錯
唔好期望太大

巴巴先生8

咁巴勒斯坦又點解踢得咁好?

cvcv1058

業餘水準同職業水準分別啊
可能香港球員去加沙訓練都會好好多㗎🥰