|
|
註冊論壇會員，發現更多精彩
您需要 登錄 才可以下載或查看，沒有賬號？立即注册
×
全副身家輸淨900蚊現金，要捱到月頭出糧，宜家仲要凌晨坐102x再金巴返香港，去到香港口岸又冇錢搭的士，巴士最早要05:30,唉 好撚辛苦。賭仔真係冇得救，吾抵可憐，好憎自己點解行左賭呢條死路。就上個月5月份，出左糧再拎左啲錢約7萬本，又過左去，上上落落打通頂最後拎左17雞返香港。抖左1兩晚又拎15雞過去，又係打左6.7個鐘最後本連利25雞返香港。我吾係啲節儉賭仔，賭就大大口，食就一千幾百都吾捨得拎出黎，最睇吾起呢類人。所以喺澳門贏左都會去啲3.4千嘅桑拿，食好野，住御園果類。又係抖左一兩日又再去，因為都feel到自己呢排順緊，因為都好一段時間冇贏過大錢，我每次拎去嘅本吾係小，起碼都5雞up。(大錢個個賭仔都應該有贏過，但得1兩次，輸就連輸半年) 。 今次拎左20雞過去，因為自己好信有本喺手先有力推上去，即使目標可能只係5萬，但有20雞喺手，個感覺就覺得贏5萬冇咁大壓力。我嘅玩法都偏向享受喺澳門嘅時光，吾會帶20萬就賭幾口，或玩半個鐘就走，我鍾意book兩3日靚房，慢慢玩，食好野，再賭又上房訓過。今次一落場20萬分左8張25000飛打8+6機仔，每張飛仔贏佢兩萬零就cash out,因為5萬要出飛就要call人，等佢一來一回起碼搞你10分鐘，最低位20萬跌到得10萬，係一入場就直插冇水花，冷靜完追返5萬，即係15雞本，玩機吾順，就落枱，又係打左幾個鐘，本連利上到70萬，諗住喺澳門今次都使左幾千食飯玩女，就買多一口執返佢3萬當擺喺銀包嘅零用錢，果70萬就齊頭留起佢，下次直接70萬本攞去賭，當你有70萬喺手，要贏多3萬零用錢，你吾會覺得係乜野難事，鳩玩都會贏，所以又係贏左，收手，今晚好滿足自己好開心。然後就返房計數，出邊爭人幾錢，呢70幾萬攞黎還幾多比人，找財仔等等，計計下覺得其實我都係爭廿零萬就上到100萬，加上自己好順，就一蚊都冇還到比人，7十零萬入左20萬落澳彩戶口玩波，50萬就拎返香港，點解我吾存入賬房？因為我都有好幾年冇贏過大錢，呢一兩年最叻都係贏6.7萬，講緊本錢都已經係5.6萬，但一輸就個個月輸5.6萬，輸足2年，所以我想望住啲錢，留起身邊feel下佢袋喺身，等自己興奮下實在啲。過香港關都冇申報，因為比佢捉到第一次都吾會有乜後果，所以冇報。返到香港果個禮拜好開心，請朋友食飯，幫老豆老母換15pro max,又買下電視，dyson風筒等等啲野，跟手就提早清埋啲財仔數7萬。加埋都只係使左9萬幾，因為澳彩入邊有20雞，所以果幾日都冇急住過去，使左果9萬幾，就係足球到睇下可吾可以拎返，點知啲仆街波買乜輸乜，買10場輸足8場，加上澳彩有走地讓球，一下就輸左15雞，輸到冇心機，得返5雞喺戶口就冇玩，即晚拎埋果四十幾萬+澳彩5萬過去賭場追，波真係吾撚就我，焗住去賭場，當時個心情都樂觀嘅，因為有5x萬本，再加銀包有2.3雞散紙，接近55萬，點會追吾返15萬呀？ 點解當時咁想追？追乜鳩？明明仲贏緊幾十萬，因為我好耐冇贏過大錢，仲差小小就上到100萬，對100萬個數字同籌碼好期待。又揾公關book左2晚倫敦人，點知第一晚就輸到仆街，55萬吾單止冇上過水面，直插，返到房得10雞喺手，好難過，賭成晚野都冇心情食即刻上床訓，都吾知點算，已經知道得返10萬冇可能再上返6.70萬，但吾理啦，訓。第日落去好快就連10萬都玩撚完，分就打左好多，一日都3千分，兩日就5千幾分，因為冇曬錢，焗住問公關拎車費津貼再加埋啲5倍賞果類野，換曬泥碼，行到呢一步，心情已經冇曬，都已經認輸，只係想用泥碼贏返1兩萬攞黎防身，因為輸到冇曬錢。最後啲泥碼都變到2萬左右現金，玩到夠鐘退房,坐架7人車去碼頭。返到香港點？死狗囉，後悔囉，死老豆咁嘅樣同心情，不斷諗，不斷望返贏左70幾萬啲相同片段，自己喺房眼濕濕咁喊左出黎，都係果味野啦，連續輸左1兩年，難得狗屎撞棍贏到70幾萬，都算及時止血，咁都吾把握機會上到100萬，鬧自己等等，頹廢咗幾日，就上腦了，因為前幾日找清曬財仔數，即刻向財仔埋手又重新借過，搞到8萬，都已經吾會想追70萬盈利，只係接受吾到天堂跌到落地獄，想用8萬重新黎過，贏返幾萬攞黎生活，唉，又係輸曬，之後又第間財仔，又輸，借左幾間加埋16萬又係冇撚贏過，係冇撚贏過，已經係分開左幾日去，又沖涼又上房又去食野叫雞冷靜，點知訓醒落去又係一直殺，連輸9鋪10鋪係閒事了，清袋返香港，即刻諗計跑山，財仔已經借吾到了，再等多兩日出糧，有5萬，再作啲藉口問朋友借多5萬，10本過去，最多上到11.12萬，又深潛，10萬又玩撚完，身上得返6.7百蚊，點撚樣過生活？仲有足足30日先出糧，玩到冇野好玩，當埋手上兩部15promax,拎到16000蚊，已經吾求贏乜野錢，只係想贏返呢個月嘅生活費，飯錢車錢，捱到落去，唉，又係萬6蚊冇撚上過水面，清袋走人。宜家身上得返900蚊，要生存到下個月7號，我吾識形容自己嘅心情，只係想舒發，但又揾吾到人講，自己係個死賭仔，根本吾會同啲正常朋友分享，所以喺到打打下，就打左咁撚多。 |
|
發表於 2020-3-28 18:48
發表於 2020-6-20 18:44
/3 