有啲人應該永久停牌！
有啲人平時可能好正常，但一揸車就會變得好燥底，少少事就會發癲。62歲嘅Peter Abbott就係一個好例子，不過佢終於受到教訓，鬧人鬧到要坐監（抵呀！）。响2023年，用翻譯嘅Peter响Poole嘅Tesco停車場，因為出車太急被後面個司機"Beep"咗一下，佢即刻變咗綠色Hulk，响對方完全無爭拗嘅情況下，佢就落車鬧後面嗰個女司機，不停拍對方嘅擋風玻璃鬧"f***ing tart"、"bitch"同"whore"。就算有途人睇唔過眼，就連途人都屌埋。結果佢被法庭停牌，判監6個星期但緩刑，同時法官要佢上情緒管理課程。睇黎情緒管理課程對佢無乜用，呢個憤怒翻譯機無得揸車要踩單車都仲係咁燥狂。响上年12月佢响Bournemouth踩住部單車嘅時候，從後差啲撞到前面一個推住BB車放狗嘅新手媽媽，當呢個媽媽嗌咗一聲之後，佢又忍唔住變身先對住媽媽告咆哮，之後又有途人睇唔過眼幫口叫佢冷靜啲，佢當然屌埋（"Shut the f*** up or I’ll kick you up the arse!"），仲想同人隻抽。檢控話當時狗狗雖然無帶狗帶，但其實表現好乖，只係Peter踩單車唔帶眼，仲惡人先告狀，根本唔識管理自己嘅情緒。但佢個代表律師幫佢求情嘅時候話，話佢因為孤獨，要用騎車同瑜伽減壓，响上完情緒管理課程之後已經好咗好多，事後好後悔已經知錯，求法官比多次機會。法官Orla Austin緊係唔理佢，直插用返佢鬧人嘅粗口：「我好想知你憑乜嘢覺得自己有權對公眾嗌"shut the f*** up"，隨意發癲？」（"I'd like to know why he feels entitled to tell members of the public to shut the f*** up and shout and enrage at them."）。雖然法官覺得今次佢唔應該要判監，但認為事件已經違反咗上次嘅緩刑條款，所以要即時坐6個星期監，仲要比堂費。
踩單車都咁躁，唔關揸咩車事
頁:
[1]